У Слуцкім раёне адразу тры будынкі былых магазінаў выставілі на электронныя таргі. Аўкцыён адбудзецца 22 ліпеня, а прыём заявак ад патэнцыйных пакупнікоў завершыцца 20 ліпеня а 16-й гадзіне.
Чытайце таксама: Сіла сацсетак: у Слуцку камунальнікі прыбралі засыпаную пяском дарожку пасля скаргі ў Telegram
Самым танным лотам стаў магазін №102 у вёсцы Вялікі Быкаў на вуліцы Савецкай.
Будынак узвялі ў 1966 годзе. Яго плошча складае 92,1 квадратнага метра. Да аб’екта таксама адносяцца хлеў і прыбіральня. Магазін размешчаны на арандаваным зямельным участку плошчай амаль 0,1 гектара.
Пачатковы кошт — 25 640 рублёў.
Магазіны ў Грэску і Лядне прадаюць пасля зніжэння кошту
Яшчэ адзін лот — магазін №9 у аграгарадку Грэск. Будынак 1988 года пабудовы мае плошчу 137,7 квадратнага метра. У яго склад уваходзяць сам магазін, прыбудова і хлеў.
Пасля зніжэння пачатковага кошту на 20% яго прапануюць купіць за 28 130 рублёў.
Пры гэтым пакупнікам варта ўлічыць, што зямельны ўчастак знаходзіцца ў водаахоўнай зоне і ў зоне аховы электрасетак.
Самым дарагім стаў магазін №164 у аграгарадку Лядна.
Ён быў пабудаваны ў 1982 годзе, мае плошчу 133,6 квадратнага метра, дзве халодныя прыбудовы, два хлявы і прыбіральню.
Пачатковая цана пасля зніжэння таксама на 20% складае 43 010 рублёў.
Як будуць праходзіць таргі
Пераможцам аўкцыёну стане ўдзельнік, які прапануе найбольшую суму за аб’ект.
Пасля зацвярджэння вынікаў таргоў пакупнік павінен будзе падпісаць дамову куплі-продажу на працягу дзесяці каляндарных дзён, а затым аплаціць набыты аб’ект яшчэ цягам дзесяці дзён.
«Яны яшчэ сто гадоў будуць пуставаць»
У каментарах пад навіной случчане паставіліся да навіны даволі скептычна да ідэі продажу крамаў.
Адзін з карыстальнікаў напісаў:
- «Я іх без усякіх таргоў, як кацянят, проста аддаў бы ў добрыя рукі з ненавязлівым кантролем іх лёсу. А так… Пуставалі і яшчэ сто гадоў будуць пуставаць».
Іншы параўнаў кошты з падобным аб’ектам у іншым рэгіёне:
- «Я пад Навагрудкам купляў сельскі магазін. Цагляны, каля 70 квадратных метраў, са складам і зямлёй. Заплаціў менш за 100 рублёў. Вось гэта была яго рэальная цана».
Не першая гісторыя пра сельскія крамы ў раёне
Раней у Слуцку ўжо абмяркоўвалі магчымы лёс крамы ў раёне льнозавода.
Тады мясцовыя жыхары баяліся, што пасля яе закрыцця давядзецца хадзіць па прадукты значна далей. Работнікі паведамлялі, што плануюць звальняцца, а будучыня самой гандлёвай кропкі заставалася невядомай.
Для многіх жыхароў раёна, асабліва пажылых людзей, гэтая крама застаецца адзіным зручным месцам для пакупкі прадуктаў. Акрамя таго, сюды прыязджаюць пакупнікі і з суседніх вёсак — Прошчыцаў і Вялікай Падзеры.
Закрыццё сельскіх крам становіцца ўсё больш распаўсюджанай праблемай
BGmedia ужо неаднаразова пісала пра закрыццё магазінаў сістэмы райпо ў невялікіх гарадах і вёсках Беларусі.
У многіх населеных пунктах такія крамы з’яўляюцца адзіным месцам, дзе можна купіць прадукты і тавары першай неабходнасці. Пасля іх закрыцця жыхарам, асабліва пажылым, даводзіцца ездзіць або ісці некалькі кіламетраў да найбліжэйшага магазіна.
Падобная сітуацыя ўжо назіралася, напрыклад, у вёсцы Ялізава Асіповіцкага раёна. Пасля закрыцця адзінай крамы райпо мясцовым жыхарам арганізавалі дадатковы аўтобусны маршрут, аднак ён дзейнічаў толькі абмежаваны час. Пытанне пастаяннага доступу людзей да гандлёвых паслуг так і не атрымала канчатковага рашэння.
Чытайце таксама: Власти Пинска показали первые эскизы реконструкции городского парка — проект обещают сделать «приземленным»
Будь на связи и в безопасности: подключи BGlobal VPN
Наш канал в Telegram. Присоединяйтесь!
Есть о чем рассказать? Пишите в наш Telegram-бот. Это анонимно и быстро
Сообщить об опечатке
Текст, который будет отправлен нашим редакторам: